‘’YON SEL FANMI, TOUT MOUN JWENN MANJE/ GEN MANJE POU TOUT MOUN’’
Granmèt Bondye nou, ou ba nou tout byen kreasyon an pou nou kapab pran swen tè a epi bay tèt nou manje gras a jenerozite l.
Ou voye sèl grenn pitit gason w lan pou l te vin fè l moun tankou nou epi pou aprann nou lalwa renmen w lan. Gras a lanmò l ak rezirèksyon l, nou vin tounen yon sèl fanmi
Jezi te konn pran ka sila yo ki pa genyen anyen pou yo manje. Se konsa li te fè ‘’5 pen ak 2 pwason’’ tounen yon pakèt manje ki te plen vant plis pase 5 mil moun.
Men nou devan w ,Granmèt Bondye nou, ak tout feblès, peche ak erè nou yo, men nou plen ak lespwa pou nou pataje manje a ak tout manm gwo fanmi sa a.
Nan sajès/ bon konprann ou, tanpri ede chèf gouvènman yo ak reskonsab konpayi yo epi tout sitwayen sou tè a jwenn solisyon ki kòrèk epi ki chita sou solidarite pou fini ak koze grangou a, etan y ap asire yo tout pèp sou tè a gen dwa pou yo manje.
Konsa, n ap lapriye w, Bondye Gran Mèt nou, pou lè nou va rive devan w, n a kapab tankou ‘’yon sèl kòt fanmi’’ kote ‘’ tout moun jwenn manje’’, pa pouvwa Jezi Kri sovè nou an.
AMEN
